Styret
Styret sidan årsmøtet i 2019:
Kasserar: Svein Aasen
Styremedlemmer: Ragnhild Landerud, Nils Øyvind Bergset, Kjersti Aasen og Bjørg Undebakke
Varamedlem: Tormod Haug
Laget hadde ingen formell leiar i meldingsåret.
Svein Aasen var kontaktperson til BLS og NU. Han er og medlem i Folkedansnemnda i BLS. Svein Aasen og Kjersti Aasen deltok på leiarmøter og årsmøte i BLS. Svein Aasen deltok på landsmøte til NU i april 2019.
Laget har hatt eit hyttestyre og ei nemnd for heidersmerke/fortenestemerke.
I meldingsåret hadde laget 17 medlemmar. Av desse er 4 bimedlemmar (hovudmedlem i eit anna lag i NU/BLS). Laget har 5 æresmedlemmar: Reidun Kjønaas, Knut Kjønaas, Jøran Strysse, Levor Traaen og Svein Aasen. Valborg Dyrnes var den einaste som hadde livsvarig medlemskap, men ho gjekk bort i juni 2019.
I meldingsåret har styret hatt 2 styremøter (januar og oktober) og elles hatt kontakt via e-post.
Årsmøtet var 4. mars og 6 medlemmer møtte opp.
Laget nyttar heimesidene på nettet til å informere om aktiviteten og reklamere for arrangement. Folkedansaktiviteten har også ei eiga sida på Facebook. Lagsavisa ”Numedølen” kom ut med eitt nummer (desember).
Råkåfiskfest 26. januar
Råkåfiskfesten blei arrangert på Røa samfunnshus laurdag 26. januar 2019. Laget markerte der at det er 110 år i år og at dette truleg var den hundrede råkåfiskfesten i regi av Numedalslaget i Oslo.
Det var 53 personar til bords, av desse var 39 fullt betalande. Attåt fisken var det som vanleg både kling, mandelpotet, lauk og rømme. Fisken var som vanleg fiska i Bjornesfjorden og blei levert av Ola Løvstuen i Uvdal. Lefsene fra Veggli hadde Ragnhild Mogan og dottera Berit Mogan Lindheim ansvaret for. Gunhild Thorsrud snakka om innsamling av dialektord i regi av mållaga i dalen. Musikken stod Solvår og Terje for. Kjøgemeister Nils Øyvind Bergset minna medlemmer som hadde gått bort sidan i fjor. Medlemmene Audun Øpstad og Turid Brugård og mangeårig musikar på festen, Kjell Løver, gjekk bort i 2018. Også æresmedlemet Gunnar Ulbaasen gjekk bort. Han var kasserar i laget i tre periodar (1958-59, 1964-65, 1990-98), formann i 1960-63 og styremedlem i 1974-1977. Han vart utnemd til æresmedlem i 1999.
Første råkåfiskfest i regi av Numedølen var 25. januar 1912. Det var ingen aktivitet i laget i 1914 til 1918. Det blei arrangert råkåfiskfestar til og med 1941, og dei starta opp att i 1946. Såleis var årets fest den hundrede i regi av laget.
Lagshytta
Hyttestyret for 2019 var: Sigrid Prestmoen Talleraas, Walborg Tuft, Tormod Haug og Levor J. Traaen, sistnevnte har fungert som formann.
Hytta til Numedalslaget har eiga adresse: Trulsebråten 52. Uthuset har fått nr. 52 A og Numedalshytta nr. 52 B. Gårds og bruksnr. er: 114/38.
Levor rapporterer fra 2019:
Som lovet tok jeg i vår kontakt med kommunen og fikk oppgave over tilgrensede nabo- eiendommer. Jeg kontaktet grunneieren, Lars Martin Trulsrud til den eiendommen som hytta vår ble fradelt fra i sin tid. Han hadde også kjennskap til eierne til de andre nabo-eiendommene til hytta. Vi hadde en befaring 19. august også sammen med eieren av nabohytta nedenfor mot vest. Da det nå var blitt meterhøg vegetasjon av bregner/ gras var det blitt vanskelig å finne gamle grensesteine o,l. i bakken. Naboene var begge positive og enige om å få til en ny tur til våren når det blir barmark for lettere kunne finne merker og måle de inn, jfr. grensebeskrivelsen i skyldellingsdokumentene til hytta vår. Trulsrud som var nabo med den andre naboeiendommen, ville også rådføre seg med han om han kjente til noen gamle grensemerker mot vår grense mot syd. Likeledes grensepunket i det nordvestre hjørne som ingen med sikkerhet har kunne påvise det jeg vet.
Blir vi enige med de tilstøtende naboer og sette ned varige grensemerker, bør vel saken være grei. Om vi bør bekoste offentlig oppmåling og få koordinatbestemme grensepunkter og få avmerket på kommunens kartverk, må vi eventuelt komme tilbake til, og hva det vil koste laget.
Jeg vil holde styret orientert om den videre framdriften til våren. Var innom hytta den 19., og alt var som det pleier, ingen hadde skrevet i hytteboka siden sist, så da hadde den vel kanskje ikke hatt besøk i vår/sommer.
Folkedansaktiviteten
Det var 18 ordinære øvingskveldar gjennom året, fordelt på 10 i vårsemesteret og 8 i haustsemesteret. Nils Øyvind Bergset var instruktør på øvingskveldane våre. Når han var borte var Kjersti Aasen instruktør. Kenneth de Gala spelar fast på øvingane. Når Kenneth har vore borte, har vi brukt Johanne Flottorp og Tor Inge Bue som spelemenn.
Totalt sett var det 117 frammøter på øvingane, 22 fleire enn året før. I tillegg kjem spelemann og instruktør. Totalt har 22 ulike personar møtt fram. Av desse var det 7 gutar og 15 jenter. Gjennomsnittleg oppmøte var 6,5 personar per øving. Det minste tal frammøtte på ei øving var 2, og det meste var 11.
Folkedansgruppa er med og arrangerar Folkedanskveld to gonger i året. Då steiker vi vaflar, kokar kaffi og traktar te i Nordahls Brunsgate 22 for eit dansande publikum. Vi tar og nokre gangar- og springarsteg i eit mikrokurs i pausa.
Folkedansgruppa har arrangert: Minikurs i gådans ein søndagskveld (13. januar). Minikurs i folketango ein søndagskveld (1. september). Torunn og Arne Johansen var instruktørar på kurset i gådans og folketango. Minikurs i folkeswing 4 søndagskveldar (31. mars, 7. april, 6. oktober og 13. oktober). Hans Fosshagen var instruktør på swingkursa. Oppmøtet var bra alle kveldane, varierande frå 25 – 35 kvar gong.
Fleire av dei som var med på øvingskveldane er aktive kappdansarar. Dette gjeld Nils Øyvind Bergset, Marit Måge, Svein Aasen, Kjersti Aasen og Arna Desser. Par frå Numedalslaget var med på Markenskappleik på Kongsberg, Landskappleik i Vågå, Hilmestemne på Fagernes, Landsfestival i Kinsarvik og Oslokappleiken. Svein og Kjersti Aasen vart nummer 5 i dans hardingfele klasse A på Landskappleiken på Vågå.
Vi prøver å stille lag i lagdans på kappleik så ofte vi kan og då stiller vi gjerne saman med par frå Numedal Spel- og dansarlag. På Landskappleiken i Vågå vart vi nummer 18 av 34 lag.
Dansarar frå laget var med på framsyningar på Råkåfiskfesten i januar, under middelalderuka på Rollag Bygdetun 27. juli, på konserten «Åttekrossen» i museumsparken på Sigdal museum 7. september og på folkemusikkmesse i Rollag stavkyrkje 25. desember.
